FCI група 3

Јоркшир териер

504633-yorkshire-terrier

Земја на потекло – историјат

Јоркшир териерот бил размножен во Јоркшир, северна Англија во 1800 години. Ова куче било одгледувано за да лови и убива стаорци и слични штетници. Овој териер бил размножен од внимателно избрани раси на работни териери, од кои некои биле териери кои пристигнале со шкотските имигранти кои барале работа во фабриките во северна Англија. Се верува дека овој териер го наследил долгото крзно од Clydesdale и Skye териерите, а шарата на крзното од англискиот црно-жолт териер.

Во почетокот, во 1861 година ваквите териери биле познати како Broken-Haired Scotch Terriers или Toy Terriers, но во 1870 година го добиле денешното име Јоркшир териер. Во 2006 година јоркшир териерите, со регистрирани 48 000 кучиња, биле втората најрегистрирана раса на кучиња во Америка. Некои вакви териери се најпознатите мали териери кои влегле во Гинисовата книга на рекорди, како Big Boss кој е рекордерот од 2002 година за најмало куче кое постои со само 12 сантиметри висина, и Sylvia кое било најмалото куче во историјата според тежината која изнесувала само 113 грама.

 

Тело

Телото им е копактно и пропорционално со прав грб и убаво навалени наназад раменици. Имаат мала и рамна глава, остри заби, темни очи, мали, високопоставени уши во V форма и опашка која се носи повисоко од грбот.

 

Крзно

Јоркшир териерот има долго, право и свиленкасто крзно кое е златесто-кафеаво на главата, градите и нозете. Бојата и текстурата на крзното се најважните предиспозиции за учество на ваквите териери на изложба. Малите јоркширски териери се раѓаат со црно-жолто крзно кое постепено ја добива златно-кафеавата нијанса како што кутрето расте. Оние јоркширски териери кои се за на изложба треба да имаат долго крзно, најчесто скоро до земја со патец на средина на грбот. Овие териери нмеаат внатрешно крзно и се митарат многу малку.

 

Карактер

Јоркшир териерите се многу приврзани со фамилијата која ги чува, но повеќето се покажуваат и како доста самостојни кучиња. И тие, како и другите териери, го поседуваат жестокиот и гласен карактер на териерите кој воопшто не одговара на нивната мала става. Тие се весели, паметни и храбри кутриња. Тие се толерантни со децата доколку децата го почитуваат нивниот личен простор. Поради нивниот жесток темперамент не се препорачува д аги оставате сами со мали деца. Понекогаш знаат да бидат дури и премногу храбри кога се соочуват со други кучиња. Добро се сложуваат со мачки и други домашни миленици. Преферираат да живеат внатре и особено се осетливи на ладно време.

 

Дресура

Јоркшир териерите се интелегентни и способни да научат многу за кратко време додколку дресирањето е доследно. Како и да е, понекогаш процесот може малку и да се пролонгира, бидејќи повеќето вакви териери знаат да бидат и тврдоглави и самостојни. Ќе биде проблематично да го научите да уринира на одреденото место.

 

Неопходна грижа

Крзното на јоркширските териери треба да се четка интензивно и да се чешла секојдневно. Прамените над очите треба да се собираат со ластиче за да не им сметаат на очите. Влакната од ушните канали треба да се отстранува.

 

Тренинг

Јоркшир териерот може да ги задоволи своите потреби за движење внатре во домот играјќи си, но сепак сака да го изведете на прошетка еднаш дневно или да го оставите да си поигра и потрча во дворот. Лесно ќе се адаптираат на фамилијарните активности. Соодветни се за живот во стан и всушност преферираат да живеат внатре, а особено сакаат да се внатре во домот при студено време.

 

Заболувања

Јоркшир териерите имаат животен век од 12 до 15 години. Малите кутриња од оваа раса се подложни на хипогликемија, а постарите вакви териери може да страдаат од многубројни мускуло-скелетни проблеми. Јоркширските териери кои тежат помалку од 1 или 1,5 кг. Се особено осетливи на дијареа и повраќање, почувствителни на анестезија и поподложни на повреди.

Информации за расата

Купи Миленик.мк

Потекло: Англија

Купи Миленик.мк

Број на стандард: FCI група 3 (Териери), Секција 4: Минијатурни териери, #86

Купи Миленик.мк

Висина на мажјак: 21 – 23 см

Купи Миленик.мк

Висина на женка: 21 – 23 см

Купи Миленик.мк

Тежина на мажјак: 2,5 - 3,2 кг

Купи Миленик.мк

Тежина на женка: 2,5 - 3,2 кг

Купи Миленик.мк

Надимак(Прекар): Yorkshire Terrier / Yorkies

Купи Миленик.мк

Животен век: 12 до 15 години