FCI група 7

Италијански птичар со остро крзно

Spinone_italiano_Oliver

Земја на потекло – историјат

Пред многу векови сетери со остро крзно наречени Spinones стигнале во Италија со грките трговци. Се верува дека оваа раса се развила во областа Пиемонт и во земјите на Јадранското Море. Се претпоставува дека овие италијански птичари со остро крзно се добиле со вкрстување на грифонот и некои врсти со руско потекло. Бидејќи оваа раса не била многу популарна, во почетокот на дваесетиот век била пред истребување, но сепак некои одгледувачи успеале да ја спасат и да и ја вратат славата. Денес во Италија тие се сметаат за едни од најефикасните ловџиски кучиња.

Тело

Телото е грубо, јако и со цврсти коски. Должината на телото е еднаква со висината. Грбот е прав и малку издигнат кај слабината. Рамениците се мускулести, јаки и убаво закосени наназад. Грлото е широко, мускулесто и закосено. Градите се широки, а ребрата се убаво заоблени. Стомакот е малку подигнат. Ушите се долги, виснати и со благо заоблени врвови. Опашката се носи хоризонтално или ниско и најчесто се кастри.

Крзно

Крзното на овие италијански птичари е грубо, остро, густо, малку виткано, со должина од 4 до 6 сантиметри. Бојата на крзното може да биде бело, бело со портокалови делови, исшарано бело со пигмент во месобоја и со или без кафеави делови. Кожата е дебела, а веѓите се бушави.

Карактер

Италијанскиот птичар е љубезен, нежен, питом, цврст, трпелив и ги сака децата. Имаат репутација на сестрани ловџиски кучиња и прекрасни домашни миленици. Овие кучиња понекогаш знаат да бидат своеглави што може да го отежни процесот на дресирање, но сепак тие сакаат да му удоволат на својот газда се додека од нив не се бара премногу. Добро се сложуваат со туѓинци, други кучиња и други домашни миленици.

Дресура

Ова не се најпослушните кучиња на светот, но сепак ќе сакаат да ви удоволат се доколку не очекувате премногу од нив.

Неопходна грижа

Доволно е повремено тимарење со цврст чешел. Крзното на италијанските птичари со остро крзно ен треба да се стрижи. Впрочем, спред стандардите на расата стрижењето не е дозволено. Како и да е, вишокот коса меѓу шепите треба да се стрижи, а ушните канали да се одржуваат чисти.

Тренинг

На оваа раса им е потребно многу движење и вежби и не се соодветни миленици за во стан затоа што потребен им е поголем простор во кој ќе можат да талкаат, да трчаат и да си играат слободно. Сакаат да пливаат. Добар начин да ја потрошат својата енергија е да трчаат покрај вашиот велосипед (само кога се сосема пораснати и созреани).

Заболувања

Оваа раса на кучиња е склона кон инфекции на ушите, разместување на колковите и зглобовите и хормонално пореметување.

Информации за расата

Купи Миленик.мк

Потекло: Италија

Купи Миленик.мк

Број на стандард: FCI група 7 (Ловци и Трагачи), Секција 1: Копнени птичари, #165

Купи Миленик.мк

Висина на мажјак: 58 – 70 см

Купи Миленик.мк

Висина на женка: 58 – 70 см

Купи Миленик.мк

Тежина на мажјак: 29 – 39 кг

Купи Миленик.мк

Тежина на женка: 29 – 39 кг

Купи Миленик.мк

Надимак(Прекар): Spinone Italiano

Купи Миленик.мк

Животен век: 7 до 10 години