FCI група 3

Австралиски Териер

1280px-Australian_Terrier_Melly_(1)

Земја на потекло – историјат

Еволуцијата на австралискиот териер се случила во Тасманија во раните 1800 години каде се размножиле мали сини-жолти териери. Подоцна, оваа варијанта била вкрстена со Данди териерот, Манчестер териерот и ирскиот териер со што се добиле нови варијанти со други бои на крзното односно со крзно со црвена боја и крзно со песок боја. Расата станала позната и бил создаден првиот кинолошки сојуз на австралиски териери во 1870 година. Стандардот на расата бил изменет и поставен во 1947 година од кога се прифаќала само варијантата со исправени уши (а не и онаа со превиткани уши).

Тело

Ова се мали териери со долга глава. Тие се подолги отколку што се високи. Имаат прилишно долг и рамен грб. Имаат високопоставени уши во V форма, мали, црни, овални очи, црно носе, остри заби и јак гриз,високопоставена опашка која е исправена и честопати кастрена и мали нозе.

Крзно

Австралискиот териер има право и грубо крзно кое е водоотпорно и околу 5 до 7 сантиметри дебело. Внатрешното крзно е меко. Има дебела грива околу вратот кој го прави нивниот изглед поавтентичен. Најпозната е варијантата со цино-жолто крзно, но постојат и австралиски териери со крзно во црвена боја и крзно во боја на песок. Овие териери не се митарат многу.

Карактер

Австралиските териери се весели, внимателни и многу паметни. Тие се многу енергични и доста моќни кучиња за нивна големина. Тие се иавантуристи. Имаат многу добар слух што ги прави одлични кучиња-чувари. Тие се претпазливи, но не и агресивни кон туѓинци. Познато е дека многу лаат. Добро се сложуваат со децата доколку истите се учтиви. Како мирни и дружељубиви кучиња тие ќе ви бидат прекрасни придружници. Имаат ловечки инстинкт, особено за мали мачки и стаорци или глувци, па ќе треба да ги запознаете уште од мали со другите домашни миленици со кои би живееле. Австралиските териери сакаат често да се во друштво на луѓе. Тие се идеални и за живот на село и за живот во град, бидејќи лесно се прилагодуваат и не им е потребно многу движење.

Дресура

Австралискиот териер понекогаш знае да биде своеглав, па дресирањето треба да биде строго, но не и грубо. Тие брзо учат и можат да научат повеќе трикови или активности. Тие се одли=ни натпреварувачи во агилни спортови или натпревари во кои ќе треба да ја намирисаат трагата и да го следат пленот низ неколку последователни подземни тунели.

Неопходна грижа

Крзното треба да се тимари односно да се четка и чешла еднаш неделно. Мртвите влакна треба да бидат стрижени неколку пати годишно за крзното да го сочува својот здрав и фин изглед. Доколку крзното добро се негува овие териери ќе се митарат многу малку.

Тренинг

Австралискиот териер може да се адаптира на различни животни средини, но преферира да живее на место во кое ќе може да си лудува и да си игра. Можеби чудно за нивната големина, но тие бараат доста раздвижување и вежби. Можат да живеат во стан под услов да го добиваат потребното раздвижување.

Заболувања

Овие териери се подложни на очна катаракта и ушни инфекции.

Информации за расата

Купи Миленик.мк

Потекло: Австралија

Купи Миленик.мк

Број на стандард: FCI група 3 (Териери), Секција 2: Мали териери, #8

Купи Миленик.мк

Висина на мажјак: 25 – 27 cm

Купи Миленик.мк

Висина на женка: 25 – 27 cm

Купи Миленик.мк

Тежина на мажјак: 5-6 kg

Купи Миленик.мк

Тежина на женка: 5-6 kg

Купи Миленик.мк

Надимак(Прекар): Australian Terrier / Aussie

Купи Миленик.мк

Животен век: 15-17 години